Blouß Gerüchte

Ritz am Boa, Ritz am Boa, moije fengt die Fasnacht oa“, häwwe geschdern die Hepprumer Fassebutze gsunge, wie zuerschd uffem Groawe un sperer doann in de „Bransch-Kantin“ vum Halwe Mond de Elfde im Elfde gfeiert worn is. Alles war do, woas Roang un Nome hot: de Friedriche-Hermann un de Siegmund, die Schirmherrn vum Saimarkt un nadierlisch es Bärbelsche, unser Fraa Zugmarschall, wu e kloa bisselsche Ehnlichkeit hot mim Sponheimers-Margittsche vun friejer. Grüß dich, moi Mädsche! Gäll, mer vertroage uns? Gäll, du hoschd mich gälle gään? Helau uff dich, Helau uff doin Klaus un Helau uff alle Owwer-Laurebescher. Wie hot neilich de Borgenheimers-Hoinz gsoad: „Kleines, kriegerisches Bergvölkchen.“ Äwwer Hoinz . . .

Iwwer Rekloame brauch sich die Bärbel wärklisch net zu beschwern. Drei Mool schun war-se die Woche in de Zeidung. Wie moin Herr Gemahl die Bilder gsäije hot, isser richdisch ins Schwärme kumme. „Do gugg hie“, horrer iwwer mich gsoad, „do gugg, wie sich die Bärbel gut gehoalde hot: zwar nimmäi die Allerjingschd, äwwer trotzdem noch zum Noibeiße.“ Sou sin-se hoald, die Käll: dehoam die Schul schwenze un die Hausaufgabe am liebschde auswärts mache. Muss ich noch deidlischer wärn? – besser net.

Nadierlisch horrer die Bärbel na geloubt, der Kloube, weiler mer oani auswische wollt. Mer häwwe nehmlich Knatsch, mer zwaa. Un wer is schuld?: Schuld drou is moi vorletschdi Bawett iwwer die Wahl vum Erschde Stadtrat. „Loss die Bosse“, hot moiner gschennt, „un loss vor allem de Dokder Lennert ausem Speel.“ Un dann horrer lous-geläigt: „Erschdens is de Dokder Lennert e Reschbektsperson, zweidens isses en friedliebende Mensch un driddens, un des is die Hauptsach, isser gut kadolisch.“ Bauff, des hot gehoggt kadde. Gäije sou Argumente konnschde nix soage. Do stäiht unseroans machtlos wisserwie. Tusch uff sou veel Dorchblick: Tä-tä, tä-tä, tä-tä!

Koum, dass de Elfde im Elfde rum is, hämmer schun die negschd Sitzung, die wu äwwer desmool koa Kappesitzung is. Obwohl: Woann am Mondoag de nei Erschd Stadtrat gewählt wärd un die Ce-De-Uh hinne-nunner fellt, doann gäiht die Fasnoacht erschd richdisch lous in unserm Hepprum. Doann konn die Bärbel noch-emool kumme, un doann däffe die Marktplatzkrabbe noch-emool uf die Pauk hawe: Ritz-am-Boa, Narrhallamarsch, Auszug.

Sou weit kimmt’s äwwer glaab ich net. Weil Bolidigger a na Mensche sin, wu gään schnättä-rä-tät mache, peife die Spatze lengschd vun allene Dächer, dass die Sach geritzt is. Des haaßt: Zwaa „Schand“-Verordnete, wu bis korzem net richdisch mitgezoche häwwe, sin umgedreht worn.

Sie däffe, wärd drauß rum-verzäihlt, demnegschd in de Magistrat – un zwar doann, woann die Woald-Ällebescher Brunhilde un de Bergweilers-Ludwisch im März die Fladder mache. Des isse Ding, he? Es haaßt: „Politik ist die Kunst des Möglichen“. Woann’s um Poschde un Peschdelschin gäiht, doann wärd sogar Unmögliches möglich gemoacht. Warum sollen des in Hepprum annerschder soi als wie in Berlin? Äwwer, Hallo.

Wie schun gsoad: Gerüchte, nix als wie Gerüchte. Un trotzdem glaab ich, dass woas drou is. Garandiert. Es wärd sich weise hot de Weißbinner Weis gsoad un in soine Schusslischkeit in de falsch Farbdibbe geloangt. Bis zum Mondoag gilt: Abwaade, Tee trinke.

Bis die neschd Woch